अन्तर्राष्ट्रिय सिद्धार्थ तथागत सिर्जना सम्मान – २०२४ बाट सम्मानित

२०८१ कार्तिक २६ गते अर्थात १० नोभेम्बर २०२४, उत्तर प्रदेश भारतमा यस गीतल प्रतिष्ठान नेपाल तथा नाटक मंच तनहुँका अध्यक्ष आकाश अधिकारी र उपाध्यक्ष दिवाकर भट्टराई अन्तर्राष्ट्रिय सिद्धार्थ तथागत सिर्जना सम्मान – २०२४ बाट सम्मानित हुनुभएको छ ।

यस कार्यक्रमको आयोजनामा इटवा बजार,सिद्धार्थनगर भारतमा अन्तर्राष्ट्रिय स्तरमा भाषा, साहित्य र कलाको क्षेत्रमा काम गर्ने नेपालका तीन कवि आकाश अधिकारी, दिवाकर भट्टराई र रामबाबु दाहाल अन्तर्राष्ट्रिय तथागत सिर्जना सम्मान २०२४ वाट सम्मानित भएका छन् ।

नोभेम्बर १० तारीख अर्थात् सिद्धार्थ तथागत कला साहित्य संस्थानको नवौँ वार्षिक समारोहको अवसरमा देश तथा विदेशमा रहेर भाषा, साहित्य र कलाको क्षेत्रमा काम गर्ने नेपालका तिन जना साहित्यकार सम्मानित भएका हुन् । सम्मानित हुनेहरूको सूची गत वर्ष नै सार्वजनिक गरिएको थियो। चयन हुनेहरूमा कवि रामबाबु दाहाल, आकाश अधिकारी र दिवाकर भट्टराई रहेका थिए ।

इटवा बजार सिद्धार्थनगर भारतमा आयोजित एक कार्यक्रमका बीच सम्मानपत्र तथा पुरस्कार हस्तान्तरण गरिएको हो। सम्मान कार्यक्रमका मुख्य अतिथि अमालेन्दु नाथ मिश्र, कार्यक्रममा वरिष्ठ साहित्यकार, चित्रकार डा राजेन्द्र परदेशीको अध्यक्षतामा सञ्चालित कार्यक्रममा, विशिष्ट अतिथि वरिष्ठ साहित्यकार एवं माननीय डा रेखा यादव तथा भारतका विभिन्न प्रदेशहरूबाट सय बढी साहित्यकार, पत्रकार, समाजसेवीको उपस्थित रहेको थियो ।

वरिष्ठ अतिथि सांसद डाक्टर रेखा यादवले सिद्दार्थ गौतम बुद्धको जन्म नेपालमा भएको र शिक्षादिक्षा भारतमा भएको हुँदा यस संस्थाले नेपाल र भारत बीच सितुको काम गरेको चर्चा गरेकी थिइन् ।