Archive for category: कला/ संगीत

“गीतल प्रतिस्ठान नेपाल तथा नाटक मञ्च” तनहुँले हरेक बर्ष संस्थाको बार्षिक कार्यक्रम तथा गाँमबेसी का कवि क्षेत्र प्रताप अधिकारीको स्मृति सन्दर्भ पारेर विभिन्न पुरस्कार तथा सम्मान प्रदान गर्दै आएको छ। यहीँ चैत ९/१० गते तनहुँको सांस्कृतिक एवम् ऐतिहासिक महत्त्व बोकेको “ॠषिङ्ग गाउँ पालिकामा सम्पन्न गर्ने निर्णय संस्थाको बैठक ले गरेको छ।

“ॠषिङ्ग गाउँ पालिका”ले प्रवर्द्धन गर्ने कार्यक्रम लाई स्थानीय युवा क्लबको साथ सहयोग रहने छ। “अन्तर्राष्ट्रिय कवि सम्मेलन तथा पुरस्कार बितरण समारोहमा बिगत बर्ष हरुदेखी संस्थाले प्रदान गर्दै आएको विभिन्न पुरस्कार प्रदान गर्ने कार्यक्रम रहेको संस्थाका सचीव माधब प्रसाद अधिकारी ले बताउनु भयो।

१) यस् बर्षको क्षेत्रप्रताप स्मृति साहित्य पुरस्कार डाक्टर नवराज लम्साल लाई प्रदान गरीने छ यो पुरस्कारको राशी २५ हजार रहेको छ।
२)नेपाल अधिराज्यमा तनहुँ कृति वाङ्ग्मय पुरस्कार” २०८० डा.रमेशचन्द्र अधिकारी,धादिङ लाई प्रदान गरीने छ। पुरस्कारको राशि रकम २५ हजार रहेको छ।
त्यसैगरी संस्थाले प्रदान गर्दै आएको #गीतल रास्ट्रीय पुरस्कार”२०८० तिला लेकाली मोरङलाई प्रदान गरीने छ। यो पुरस्कार को राशी १० हजार रहेको छ।
#संस्थाले प्रदान गर्दै आएको #गीतल प्रतिभा पुरस्कार” २०८० सोभा सिंह ठकुरी तनहुँ लाई प्रदान गरीने छ। यो पुरस्कारको राशि ५ हजार रहेको छ।

गीतल प्रतिष्ठान नेपाल तथा नाटक मंच तनहुँको साहित्यिक अबलोकन भ्रमण एबम काव्य गोष्टि तनहुँको भिमाद मा पौष ७ गते शनिबार सप्पन्न भएको छ । गीतल प्रतिष्ठान नेपाल तथा नाटक मंच तनहुँ आयोजक भिमकाली साहित्य सङ्गम भिमाद सह-आयोजक एबम भिमाद नगरपालिकाको प्रबर्द्धनमा कार्यक्रम सप्पन्न भएको हो ।प्रतिष्ठानका अध्यक्ष आकाश अधिकारीको अध्यक्षतामा सम्पन्न भएको कार्यक्रमको प्रमुख अतिथी भिमाद नगरपालिकाका नगर प्रमुख दधिराज सुवेदी रहनु भएको थियो । नगर प्रमुख सुबेदीले नगर भित्र रहेका भाषा, साहित्य, कला एबम घरबासहरुको संरक्षण गर्दै पर्यटकिय स्थल हरुलाइ साहित्यको माध्यम बाट बिश्वभर चिनाउन सकिने बताउनु भयो । धुन्धु सिद्दगुफा,चमेरे गुफा साथै मिछुर्लुङ घरबास अहिले अन्तरिक र बाह्य्य पर्यटकको रुपमा आकर्षणको केन्द्र बिन्दु बन्दै गएकोले यसलाई साहित्यको माध्यमबाट थप प्रचार प्रसार गर्नु पर्ने बताउनु भयो ।

जे देख्छौ त्यही लेख्छौ भन्ने उद्घोषका साथ शुरु गरिएको काव्य गोष्ठीमा गण्डकी वागङ्मय प्रतिष्ठानका पोखराका अध्यक्ष भिम रानाभाट, गजलकार रुपक बनबासी, गण्डकी वागङ्मम प्रतिष्ठान तनहुँ का अध्यक्ष गौ कुमारी न्यौपाने, साहित्यकार चन्द्रमणी अधिकारी जनार्दन दाहाल लगाएत का अतिथिहरुको सहभागी रहेको थियो । कार्यक्रममा उपस्थित साहित्यक स्रस्ठाहरुले आ-आफ्नो रचना वाचन गर्नु भएको थियो सेतिकाली साहित्य सङ्गमका अध्यक्ष नारायण कैलाश सिग्देलले सहभागीहरुलाई स्वागत गर्नु भएको थियो भने गीतल प्रतिष्ठान नेपालका उपाध्यक्ष शान्ता बास्तोलाले रचना को माध्यम बाट धन्यवाद मन्तव्य राख्नु भयो कार्यक्रमको संचालन सचिब माधब प्रसाद अधिकारीले गर्नु भएको थियो ।